1 - يعني ايه HR ؟؟😎
هو العنصر البشرى او الأيدى العاملة ,وده أختصار لكلمه Human Resource
,اما كلمه Human Resources Management هي اداره الموارد البشريه .
ازاى بتتم الاداره ؟
بتتم عن طريق التخطيط و التنظيم و استقطاب و اختيار الكفاءات و القيادة و الرقابة للوصول لأهداف المنظمة.
_______💪🤓________
2-ال HR بيحتاج يكون خريج ايه ؟؟
تعليم عالي مش شرط خريج كليه معينه ممكن اي كليه ,والاقرب للشغل حقوق وتجاره .
_______💪🤓________
3- ازاي اشتغل HR ؟؟😎
في الاول كده في حاجات اساسيه الي لازم تكون فيك علشان تبقي HR ناجح
هقسمهم معاك لحاجتين علشان الموضوع يبقي اسهل
الجزء الاول (المهرات الاساسيه) :
------------------------------
1- شخص اجتماعي (هتتعامل مع جميع الفئات وجميع الشخصيات ) .
2- فاهم المهارات الازمه في القسم الي هتشتغل فيه ومناسبه معاك .
3- بتفهم انجلش وبتطور نفسك فيه
(حتي لو هتشتغل في شركه مصريه العلم نفسه غربي فلازم اللغه يا وحش )
4- برامج الاكسل والورد والباور بوينت والفيزيو يا معلم .
(البرامج ده معظم الHR بيشتغلوا بيها في شغلهم ,بيختلف مستوي التعلم عليهم بالقسم الي شغال فيه زي مثلا لو هتشتغل Payroll لازم يكون مستواك عالي جدا excel )
بعد مقريت الجذء ده لقيت كل حاجه تمام اكمل معاك 😉
الجزء الثاني (التكنيكال) ابدأ ازاي !
---------------------------------
1- اسأل نفسك ليه عايز تشتغل HR ؟
ايه يا عم السؤال ده !! طب خلي في بالك لو معرفتش تجاوب علي نفسك تفتكر في الانترفيو هيقبلك ! ,لازم يكون عندك رؤيه لنفسك في المجال .
_______💪🤓________
2- اقرأ كويس عن مجال الHR
(لازم تقرأ قبل متاخد قرارك عن طريق الفيديوهات والكورسات الاونلاين ويفضل من كتاب جاري ديسلر )
HR .
_______💪🤓________
3- قرر عايز تشتغل في أني قسم من الي قريت عنهم ! وهل عندك معرفه كافيه عن القسم ده !
_______💪🤓________
4- أحضر Work Shop أو كورس أو دبلومه
(طب ليه قولتهم بالترتيب ده !! بص يا سيدي معظم الناس بياخدوا كورسات ودبلومات في اماكن عاليه علشان يقلوا احنا معانا شهاده وفاكرين انهم كده هيعدوا من الانترفيو وده في الحقيقه فاكس !
المعلومه ده حلقه في ودنك ( شهادتك الي خدتها بالنسبه للHR هو علم في دماغك يهمه انك فاهم كويس ولما يسالك تجاوب ويهمه انت بتعرف تعمل ايه وهتقدم ايه للشركه ,الشهاده تدينك لو مش فاهم ,لو معاك شهاده ومش فاهم فربنا يعوض)
طب يعني اخد ايه فيهم ؟
انا رايي ابدأ في الكورس أو الدبلومه لو قررت وعرفت ان الشغل ده يناسبك لو لسه بتفكر خد Work Shop .
_______💪🤓________
5- حضر الCV بتاعك و دور علي شغل طالب HR خبره قليله أو تدريب
(مرتبك في الاول مش هيبقي عالي وده طبيعي متفتكرش ان شهاده الAuc هتخليك تقبض 10الاف من اولها , أبدأ وأتعلم خبرتك وعلمك هم الي هيخلوك تاخد مرتب عالي)
وبالنسبه للتدريب لازم تبقي عارف الشركه الي هتدرب فيها والي هتشتغل معاهم علشان تبقي عارف تدريبك بفايده ولا لا .
_______💪🤓________
6- أحضر الانترفيوهات ولو اتقبلت شد نفسك وخليك شغوف عايز تتعلم كل حاجه في القسم بتاعك , طب لو اترفضت ! انت HR ومفروض تكون عرفت نقطه ضعفك وتشتغل عليها علي تنجح المره التانيه 😉 .
_______💪🤓________
4- أيه هي اقسام ال HR ؟؟ 😎
1- Recruitment /Talent Acquisition
وده قسم التعيينات وفي بعض الشركات بتسميه استقطاب المواهب الفروقات بينهم ظاهريا واحده لكن هي مختلفه (هسيبلك لينك الفرق في اخر البوست )
2- Personnel .
قسم شئون العاملين والاعمال الاداريه .
3-Payroll / Competition and benefits ”Com-Ben”
وده قسم المرتبات / قسم المزايا والتعويضات (مختلفين جوهريا عن بعض )
2- Organization Development ”O.D”.
وده قسم التطوير المؤسسي
5- Training and Development “T&D”.
قسم التدريب والتطوير
معلومه (المسميات ممكن تختلف من شركه لاخري ممكن تلاقي مثلا شركه مفهاش ”Com-Ben” ومقتصرين دوره علي المرتبات فقط وحاطين جذء التأمين الطبي مع الPersonnel ده طبيعي )
_______💪🤓________
5 - التدرج الوظيفي والترقيات ؟😎
لازم تبقي عارف ان كل شركه ليها شكل معين
1- Coordinator /Clerk /Officer
2- Specialist
3- Senior Specialist
4- Supervisor
5- Section Head
7- Assistant HR Manager
8- HR Manager
9- HR Director
_______💪🤓________
6- معلومه تفيدك
-----------------
- الCoordinator ممكن ينظم شغل الHR كله او قسم واحد فيه .
-الGeneralist بيبقي مسئول عن اكثر من 3 اقسام مع بعض وممكن يكون وحده في الشركه .
-ال HR Specialist ده هتلاقيه متخصص في قسم او 2 لكن لو لقيته (Payroll specialist يبقي ده متخصص في القسم ده بس).
-الStudent activity الي حضرتها في الجامعه غير الي بيحصل في الشركات انت بس خدت مجرد فكره ,نفس الكلام خريجين تجاره HR عارف الاساسيات فقط.
-ال HR مش زي مفي خيالك انه موظف قاعد ببدله في التكييف .(الحوار مش كده خالص)
_______💪🤓________
ليست هناك تعليقات: